Конвейер репрессий. Житель Ошмян покритиковал сотрудников ГАИ — у него нашли «экстремизм». Руководителей благотворительной организации держат в СИЗО и обвиняют в госизмене за помощь детям войны

Житель Ошмян покритиковал сотрудников ГАИ — у него нашли «экстремизм»

39-летний житель Ошмян записал видео, где грубо, по версии силовиков, советовал, как должны работать сотрудники ГАИ.

После этого мужчиной заинтересовались силовики: они якобы нашли у него нарушения ПДД, а также подписки на «экстремистские» ресурсы.

Мужчину отправили в ИВС, сообщает Вясна.

Кіраўнікоў дабрачыннай арганізацыі трымаюць у СІЗА і вінавацяць у здрадзе дзяржаве за дапамогу дзецям вайны

Сужэнцаў Андрэя і Варвару Латышэвічаў, якія дзесяцігоддзямі апекаваліся сіротамі і дзецьмі-інвалідамі ў Беларусі, у сакавіку 2026 года арыштавалі. Іх абвінавацілі ў дзяржаўнай здрадзе і арганізацыі незаконнай міграцыі. Прычына ў іх дапамозе дзецям, што пацярпелі ад вайны ва Украіне. Наша Ніва расказвае пра гэту сям'ю.

Варвара і Андрэй Латышэвічы пачалі свой шлях у дабрачыннасці яшчэ ў маладосці, амаль адразу пасля вяселля. У маладосці Варвара працавала ў Санкт-Пецярбургу, дзе кіравала мясцовым дабрачынным фондам і ладзіла летнія акцыі ў дзіцячых санаторыях і лагерах.

Іх жыццё назаўжды змяніў адзін працоўны візіт да кіраўніцтва чарговай установы, калі да Андрэя з горкімі слёзамі кінулася маленькая дзяўчынка. «Татачка, ты прыехаў! Забяры мяне!» — прасіла яна, пераблытаўшы яго з бацькам.

Выхавацелька хутка і з выбачэннямі забрала дзіця, але гэтая выпадковая сцэна працяла сэрцы пары такім болем і спачуваннем, што назаўжды вызначыла іх далейшы жыццёвы шлях — ратаваць і прымаць у сваю сям'ю пакінутых дзяцей.

У 1997 годзе сужэнцы вярнуліся ў Мінск і афіцыйна зарэгістравалі дабрачыннае аб'яднанне «З любоўю — дзецям». Латышэвічы вазілі ім зімовы абутак, посуд і канцылярыю. Але хутка зразумелі, што галоўная патрэба сірот — гэта ўвага, таму стварылі асобную праграму сацыяльнай адаптацыі для выпускнікоў дзіцячых дамоў.

Асобным напрамкам іх шматгадовай працы стала дапамога дзецям з праблемай са слыхам, якіх часта пакідалі сам-насам з іх ізаляцыяй у грамадстве. Латышэвічы не толькі збіралі глухіх сірот у сваім доме на канікулах, але і вучылі іх замежным жэставым мовам пры дапамозе валанцёраў з Нідэрландаў. Яны імкнуліся паказаць гэтым падлеткам, што свет значна шырэйшы за сцены інтэрната.

Латышэвічы з'яўляюцца прыхаджанамі Аб'яднанай царквы хрысціян поўнага Евангелля (АЦХПЕ) у Беларусі.

У Андрэя і Варвары трое сваіх дзяцей: старэйшая дачка вучылася на юрыдычным факультэце БДУ, сын у Акадэміі музыкі, а малодшая, 16-гадовая, яшчэ школьніца. Нягледзячы на вялікую ўласную сям'ю, Латышэвічы аформілі статус апякунскай сям'і. Праз іх патранат прайшлі дзясяткі падлеткаў, многія з якіх, нават стаўшы паўналетнімі, працягвалі называць іх дом сваім.

Варвара ў 2008 скончыла Беларускі дзяржаўны педагагічны ўніверсітэт. Тэма яе дыплома — «Эмацыйнае развіццё выпускнікоў дзіцячых дамоў і школ-інтэрнатаў».

Маштабы іх дзейнасці сапраўды ўражвалі: на адно са святкаванняў Новага года Латышэвічы сабралі ў сябе 102 чалавекі — сваіх былых і цяперашніх выхаванцаў, якія прыехалі ўжо з уласнымі жонкамі і дзецьмі. У сям'і дом пад Мінскам, у Ждановічах, дзе Андрэй працаваў пчаляром, а Варвара кіравала сацыяльнымі праектамі. У апошнія гады яны займаліся перавозкамі і мелі фірмы па гэтым кірунку.

Мяркуючы па наяўных звестках, пасля нападу Расіі на Украіну Латышэвічы пачалі дапамагаць дзецям, якія пацярпелі ад вайны. Некалькі разоў яны ездзілі на акупаваныя тэрыторыі Украіны.

Іхн арганізацыя «З любоўю — дзецям» была ліквідаваная ў лютым 2025 года.

У сакавіку 2026 года Андрэя Латышэвіча нечакана затрымалі ў Маскве. Расійскія сілавікі адразу ж экстрадавалі яго ў Беларусь, дзе ён быў змешчаны пад варту. Яго жонка Варвара таксама апынулася пад ударам рэпрэсіўнай машыны.

Па звестках праваабаронцаў «Вясны», крымінальны пераслед пары звязаны з дапамогай дзецям, што пацярпелі ад ваенных дзеянняў ва Украіне. Латышэвічаў абвінавацілі ў здрадзе дзяржаве і арганізацыі нелегальнай міграцыі.

Праваабарончая супольнасць ужо прызнала Андрэя і Варвару Латышэвічаў палітвязнямі.